Tuesday, March 18, 2008
I. Introduksyon ng Research Paper
Rebyu ng mga Pag-aaral
“Ipinakikita ng mga pagsusuring isinagawa ng mga dalubhasa ng Yale University na ang patuloy na panonood ng telebisyon ng mga batang malapit ng tumuntong sa paaralan ay nagiging mapusok dahil sa sila ay nakakapanood ng mararahas na palabas sa telebisyon habang abala sa mga gawaing bahay ang kanilang mga ina. Isa pa, ang lakas ng impluwensya ng telebisyon ay nagpapangyari sa isang bata na magkaroon ng pagkaantala sa kakayahang magbasa. Kaya ipinapayo ng mga dalubhasa na ang 30 minutong panonood ng telebisyon ay sapat lamang sa loob ng isang araw.” Kung walang patnubay ang mga bata sa kanilang mahabang oras ng panunood ng anime ay maaaring makapagdulot sa kanila ito ng ganitong kalagayan. Sa mga mata ng bata, ang lahat ng nangyayari sa kanilang napapanuod ay tila totoo. Kung mayroon mang patnubay ng magulang, dapat ay sabihan ang kanyang anak sa mga nangyayari sa kanyang pinapanuod upang ito’y maunawan ng bata (http://www.abante.com.ph/issue/jan1207/istayl1.htm).
Layunin
Layunin ng mga mananaliksik ang mga sumusunod:
~makagawa ng isang epektibong pananaliksik tungkol sa Anime at ang ilang epekto nito sa kabataan.
~makapagbigay ng ilang solusyon sa mga negatibong epekto nito sa kabataan.
~maipahayag ng malinaw ang ilang kaisipan ukol sa Anime.
~matukoy ang mga klase ng kabataang nahuhumaling sa Anime.
~matukoy kung ang Anime nga ba ay isang mabuti o masamang halimbawa ng media.
Halaga
Metodolohiya
Ang mga mananaliksik ay nagobserba rin na mga batang naaayon sa edad na binanggit sa papel upang lalong makita ang mga kabutihan at kasamaan na naidudulot ng kanilang paksa.
Saklaw at Delimitasyon
Ang pagaaral na ito ay may sakop lamang ng kung ano ang mga epekto ng labis-labis na panonood ng anime sa telebisyon. Kasama na dito ang positibo at negatibong epekto sa kabataan ng nasabing pangkat.
Daloy ng Pag-aaral
Ipinapakita ng ibang pag-aaral na ang ikinikilos ng kabataan ay nababatay sa mga nangyayari sa kanyang paligid. Iba’t-ibang kabataan na nasa edad 7 hangang 17 ay sumusubaybay sa mga cartoons na galing sa bansang Hapon.
Ang mga palabas na katulad nito ay nakakapagbigay ng kasiyahan sa kabataan. Nabibigyan sila ng paraan upang mailabas ang kanilang tinatagong saloobin at napagbubuti rin ang kanilang pagiging malikhain.
Ngunit, ang labis na panonood nito’y maaaring makapagdulot ng mga hindi kanaisnais na epekto sa manonood. Mas naglalaan sila ng mahabang oras sa telebisyon kaysa sa ibang bagay na mas importante. Nagagaya nila kung anuman ang ipinapalabas at ang ilan ay wala pang alam sa kung tama ba o mali ang kanilang nagagawa.
Kung titignan ng masinsinan ang mga nangyayari ngayon sa mga kabataang Pilipino, hindi maipagkakaila na isa na rin itong problema na hinaharap ng ating bansa. Mababasa rito ang mga dapat gawin ng mga bata kapag nanonood nga anime. At sa tamang pagsubaybay ng kanilang mga magulang o mga tagapag-alaga, maiiwasan ang mga hindi dapat mangyari sa isang bata.
II. Introduksyon ng Paksa
Ang anime ay isang daglating salita ng “animation” mula Hapon na tinatawag naman na Japanimation sa kanluran. Hindi lahat ng animation ay maituturing na anime ngunit ang mga anime ay uri ng animation.
Ang anime ay maaaring ipalabas sa telebisyon o ibenta sa pamamagitan ng VHS, VCD o DVD. May mga pelikula na anime din na ipinapalabas. Malaki ang impluwensya ng mga maiikling nobela at komiks na ito na tinatawag na “manga”. May mga istorya din na galing sa anime at mga manga na isinalin sa mga "live action" na pelikula at mga serye na ipinapalabas sa telebisyon noon at magpahanggang ngayon (http://tl.wikipedia.org/wiki/Anime).
Ang labis labis na panunuod ng telebisyon ay nakakapagdulot ng mga epekto sa nanunuod. Sa mga panahon ngayon, madalas mapapanuod sa telebisyon ang mga cartoons na nagmula sa bansang Hapon at maraming kabataang Pilipino ang nahihilig sa panunuod nito
Ang mga kabataang Pilipino ay madalas na kaharap ang telebisyon kapag nasa tahanan lamang: makikita mo silang nanunuod ng anime galing man sa lokal o foreign na network ng telebisyon. Lalong nahuhumaling sa anime ang mga kabataang Pilipino dahil sa presensya ng telebisyon na kung iisipin ay laging ginagamit ng mga bata. At dahil dito, malaki ang impluwensya ng anime sa kabataan nang dahil na rin sa telebisyon.
Katawan ng Pag-aaral
Napansin ng mga mananaliksik na ang mga kabataang Pilipino, mula sa edad na 7 hanggang 17, ay laging sumusubaybay sa mga anime na pinapalabas maging umaga man o hapon. Ngunit hindi naman lahat ng kabataan ay nahihilig sa panunuod ng anime sapagkat ang iba’y mas naaaliw sa paglalaro, pagbabasa at ibang palabas sa telebisyon maliban sa anime.
Hati ang opinyon ng mga kabataang Pilipino ukol sa pagpapalabas ng anime. May mga nagsabing, “Isang paraan ang anime para mailabas nila ang kanilang emosyon sa iba’t-ibang bagay”. “Nagbibigay ito ng paraan sa mga kabataan upang mas lalong maging kreeytibo”. “Nagkakaroon sila ng satisfaction habang nanunuod ng anime”. “Nagagamit ang kanilang sobrang oras”.
Ang sabi naman ng iba ay, “Hindi na nabibigyang pansin ang ibang mga bagay dahil wala nang ginawa kung hindi manuod ng anime”. “Nakakasama ang sobra-sobrang panunuod nito dahil sa ginagaya nila ang mga aksyon na ipinapakita”. “Wala nang ibang alam ang ibang kabataan kung hindi tumutok sa telebisyon at manuod ng mga paulit-ulit na palabas”.
Maaaring may sapat ng pag-iisip ang ibang kabataang sumusubaybay sa anime, ngunit hindi naman lahat ay katulad nila. Sa mga nakakatandang nahihilig pa rin sa panunuod ng anime, nagtatakda sila ng oras ng panunuod ngunit minsan ay hindi rin naman nasusunod.
Dahil sa malimit o matagal na panonood ng telebisyon, madaling rumehistro sa murang kaisipan ng mga bata ang ipinakitang tagumpay at lakas ng bidang lalaki na nagbibigay-daan sa kanila na sila ay malakas din. Kapag natatalo ng kanilang idolo ang mga kontrabida, pakiramdam ng karamihang bata ay nananalo rin sila. (http://www.abante.com.ph/issue/jan1207/istayl1.htm).
Ang anime ay merong iba’t-ibang tema tulad ng pag-ibig, labanan, karahasan, pantasya at iba pa. Ang anumang ipinapakita ng palabas ay maaaring marehistro sa kaisipan ng manunuod kung labis labis ang panunuod dito dahil na rin sa ito ay nagsisilbi sa kahit anong larangan ng buhay.
“Maraming nagagawa ang telebisyon sa isang buhay ng tao. Dahil sa iba’t ibang klase ng programang napapanood sa telebisyon ay nagkakaroon ng aliw at telenobela ang ating buhay. Ibat ibang klaseng aliw na maibibigay sa atin tulad ng drama, komedya, katatakutan, aksyon, cartoon (kasama na ang anime), at iba’t ibang klase ng programa na maaaring makaaliw sa atin. Dahil din dito ay nagkakaroon ang mga tao ng iba’t-ibang pananaw sa buhay dahil ang mga programang nagbibigay sa atin ng aliw ay kadalasan na din nagbibigay ng impluwensya kung papaano ang dapat na takbo ng ating buhay.” (http://betlo.tabulas.com/)
Sa panahong usong-uso ang cable tv, nagkakaroon ng mas mabilis at madaling akses ang mga kabataan sa panonood ng anime. Mayroong mga istasyong puro anime lamang ang ipinapalabas buong maghapon at buong magdamag. Kung merong telebisyon ang isang bata sa kanyang sariling kwarto, pagdating ng gabi at pinapatulog na siya ng kanyang magulang, maaaring tuluyan pa rin siyang manuod ng paborito niyang palabas habang ang kanyang ama’t ina’y humihilik na.
Ang mga dalubhasa ay nagpapayo na ang panunuod ng telebisyon ng 30 minuto ay sapat na para sa isang araw. Ang isa pang nakikitang problema ay ang aksidenteng maaaring mangyari habang ang bata ay abalang mag-isang nanonood ng telebisyon.
Konklusyon
Ngunit tulad nga ng sabi ng nakararami, ang anumang sobra ay hindi rin nakakabuti. Ang pagkababad ng mata sa iba’t-ibang gawain ay nakakasama. May mga pag-aaral na nagsasabing ang sobrang panonood ng telebisyon ay hindi rin maganda para sa katauhan ng isang bata. Minsan sila’y nagiging mapusok o kung anu pa man depende sa iniidolo nilang karakter. Sa pagkatuto ng wikang ingles sa pamamagitan ng panunood ng anime ay maaaring makatulong mismo sa bata, ngunit papaano naman ang wikang Filipino kung puro ingles lang na anime ang kanyang pinapanood? Kung tapos na ang bakasyon at panahon na muli ng pagpasok sa eskwelahan, mahihirapan na mismo ang bata na mag-adjust ng oras sa pag-aaral at maagang pagtulog. Sa mga mas nakakatandang nahihilig pa rin sa panonood ng anime, nakakapagtakda sila ng oras para sa ibang gawain, ngunit ang problema naman ay hindi ito laging nasusunod.
Ang mga dalubhasa ay nagbigay ng proposal ng tamang oras lamang sa panunood ng telebisyon. Ang labis na pagkahumaling sa anime ay lalo pang lumalala sa impluwensyang nadudulot ng telebisyon. Ang anime bilang isang paraan ng kaaliwan ay hindi lamang laging kaaliwan ang dulot, sapagkat maaari itong makapagbigay ng iba pang epekto sa manunood, lalo na sa mga kabataang Pilipino ngayon.
~vyml~
Thursday, February 28, 2008
Anime sa mundo ng Kabataan.. =)
Sa panahon ngayon, bukambibig ng mga kabataan ang anime. Ano nga ba ang anime? Ang anime ay isang klase ng “cartoon” na nagmula sa bansang Hapon. Ito ay nagbibigay saya sa mga kabataan sa nabanggit na bansa. Ngayon, ito ay lumalaganap sa iba’t-ibang dako ng mundo kasama na dito ang Pilipinas.
Tunay na nakakaaliw ang anime. Habang ito ay pinapalabas sa telebisyon, sumasabay ang mga “figurine” na mabibili kung saan-saan. Ilan sa mga tindahang nagtitinda nito ay ang “comic alley”, “tokyo kids”, “comic quest.” Gumaganda ang negosyo ng mga nasabing tindahan dahil sa mga kabataang nahihilig sa mga anime na gamit. Ngunit ano nga ba ang epekto nito sa buhay ng mga kabataan? Tila hindi napapansin ng mga kabataan ngayon ng unti-unti silang napupunta sa ibang lugar. Lugar na kung saan ay naiiba ang takbo ng buhay. Marami sa mga kabataan ngayon ay apektado nito. Unti-unti nilang binabalewala ang mga bagay na mas kailangang pagtuunan ng pansin katulad ng pag-aaral. Sa halip na magbuklat ng aklat ay mas pipiliin magbasa ng komics na may kinalaman sa anime o kaya naman ay manood na lamang ng anime. Sa paggawa ng nasabing bagay ay naaaksaya ang oras nila na dapat ay ginamit sa pag-aaral. Ang anime ay isa rin sa mga dahilan kung bakit may mga batang sumusuway sa mga magulang. Ang anime ay sadyang nakakaapekto sa ugali ng mga batang manonood. Maaaring iniidolo nila ang mga kontrabida kung saan ito’y magaling sa kanilang paningin. Sa pagkahanga sa karakter na ito, nakukuha nila ang ugaling naipapakita sa mga taong nakakasalamuha nila.
Ang anime, babasahin man o palabas sa telebisyon ay hindi nakakasama dahil bukod sa pampalipas ito ng oras ay nagbibigay ito ng kasiyahan. Ngunit, katulad ng madalas nating marinig, anumang sobra ay nakakasama.
~vyml~
Para saan ba ang blog na ito?
Alam naman nating lahat na may 'advantages' at 'disadvantages' ang panonood ng anime sa ating mga kabataan pero tatalakayin pa natin 'yan ng mas malalim sa mga susunod na araw.
At uulitin po namin, mula sa blog namin dati na tungkol sa PreMarital Sex, 'wag tayo makuntento sa kakapiranggot na impormasyon na meron tayo ngayon, magtuklas tayo. =)
~vyml~